E- PAPERZORROA

Didaktika irakasgaian ikusitako guztiaren laburpen bat egingo dut jarraian.

Lau hilabeteari hasiera emateko, gure blogeen sarrera txiki bat egin genuen, gure burua aurkeztuz eta blog honen helburua azalduz. Gainera, irakasleak gure iraganean izan genituen eskola bizipenak isladatzeko sarrera bat egitea proposatu zigun. Sarrera hori egiteko, lehen hezkuntzan bizitutako hamar argazki aukeratu genituen eta horien inguruan gogoeta bat egin genuen, etorkizunean irakasle gisa nola jardun nahiko genuen azaltzeko. Oso interesgarria iruditu zitzaidan, nire ikaskideen bizitzaz gehiago jakin nezakeelako.

Klase teorikoei hasiera emateko, Curriculum-aren testuinguruan barneratu ginen Heziberri 2020 Dekretua aztertuz (eskema antzeko bat eginez) eta curriculum txantiloi taula bat eginez, non lau mailatan sailkatu genuen curriculuma, maila bakoitzaren ezaugarriak zehaztuz.

Hausnarketekin jarraituz, konpetentzien inguruan bideo batzuk ikusi eta gero, hausnarketa txiki bat egin genuen galdera batzuei erantzunez.

Ondoren, Curriculum formalean sakontzeko argazki elkarrizketa (argazki hizlaria) gauzatu genuen haurtzaroaren kontzeptuaren ideiak alderatuz. Hau behin eginda, eztabaida antzeko bat sortu zen klasean guztion ideiak komunean jarriz.

Era berean, azken 30 urteetan zehar hezkuntza politiken zurrunbilo batean sartuta egon arren,  proposatutako berrikuntzen eragina ordea ez da oso eraginkorra izan klaseen errealitateetan. Horregatik, eta Didaktika irakasgaian sakontzeko, zenbait irakurgai aztertu eta taldeka aurkeztu ondoren berriz eta eztabaida txiki bat sortu zen, benetan oso interesgarriak ziren ideiak ateraz.

Metodologien inguruan hitz egiteko, “metodologia aktiboak” zer diren ikus genituen taldeka kartografia bat eginez: haren definizioa, ezaugarriak, abantailak eta desabantailak txertatuz. Beti bezala, guztien aurkezpenak entzun eta gero metodologia mota honen inguruan hitz egitea tokatu zitzaigun alde edo kontra geunden adieraziz eta gure ikuspuntua defendatuz.

Curriculumaren analisiarekin jarraitzeko, ebaluazioaren inguruan testu batzuk aztertu ditugu galdera batzuk erantzuten eta ebaluazioaren kontzeptu anitz ikasten. 

Lau hilabeteari bukaera emateko, “Work Crew” taldeak egin dugun unitate didaktikoa plazaratu dugu. Gure unitate didaktikoan “Aniztasunean hezitu” gaia jorratu genuen, interesgarria iruditu baitzitzaigun haurrekin lantzeko. Bertan, Unitate didaktikoak dituen ezaugarri guztiak bete genituen: ezaugarriak, helburuak, konpetentziak, jarduerak, etab.

Azkenik, espero dut hilabete hauetan zehar egindako ekarpenak guretzako bezain aberasgarriak izatea zuentzako ere. Besterik gabe, mila esker!